السلام عليكم ورحمة الله أحبتي الكرام الحمد لله تزوجت في المغرب شهر أكتوبر 2009 والحمد لله ونظرا لصعوبات وعدم فهم مطالب الأوراق لإتمام الزواج داخل المغرب أحببت إفادة الذين يرغبون بإتمامالزواج داخل المغرب - من خلال تجربتي والموضوع يشمل ثلاث محاور إن شاء الله :
أولا:أوراق تجيبها معاك من مصر شهادة حسن السير والسلوك (الفيشوالتشبيه) المكان : قسم الشرطة التابع لك في مصر ولازم من مصر لان رجعت تلات مرات لان وزارة الخارجة مالاقيتش الامضا المعتمدة عندهم علشان يوثقوهالك التسليم بعد يوم التصديقات : وزارة الخارجية المصرية التكلفة : 12 جنية للفيش و 11 جنيه لتصديق وزارةالخارجية المصرية شهادة ميلاد كمبيوتر مصدقة من وزارة الخارجيةالمصرية التصديقات : تختم من الأحوال المدنية ثم من وزارة الخارجيةالمصرية التكلفة : 7 جنيهات لشهادة الميلاد و 11 جنية تصديق وزارة الخارجيةالمصرية قيد الفردي: اهــــــــــــــــــــــــــــــــــــــــــــــــ ـــــــــــــــم ورقه لازم تطلع الأول قيد عائلي مميكن (كمبيوتر) من قسم الشرطة في مصر وعلىأساسه بيطلع القيد الفردي بتشترية بجنية ونص من البوسطة وتشتري طابع بجنيه ونص منمركز الشرطة وتملا الطلب اللي هيكون مع القيد الفردي وتسلمهم لقسم الشرطة والاستلاميكون في اليوم التالي دا اذا كان القيد العائلي الكمبيوتر جاهز اما لو مش جاهز فاهتاخد تقريبا من عشرة لخمستاشر يوم علشان يطلع القيد العائلي الكمبيوتر دا غير الاوراق الكتير اللى هاتقدمها دا على حسب الست اللى عقدتني فى مشوار القيد العائلي الكمبيوتر دا اما لو عايز تعملها فى يوم واحد اسمع كلامي لو هاتمشي قانوني هاتاخد 15 يوم تروح لواحد بيخلص فى الاوراق جوا السجل المدني بياخد فلوس يعني بالنموذج بتاع القيد الفردي وهو يملاه ويختمه بختم سجل البلد اللى انت منها ويمضي عليه بعد كدة تطلع على الاحوال المدنية بمحافظتك فى نفس اليوم للتصديق على الامضاء اللى مضهالك الشخص دا وفى نفس اليوم تروح لوزارة الخارجية توثقهاوبسسسسسسسس .صوره اكتر من صورة وخليه معاك التصديقات: تختم من وزارة الخارجية المصرية التكلفة : 11جنية تصديق وزارة الخارجية المصرية شهادة تبين المهنة والدخل حديثة العهد لو كنت تعمل بالخارج تطلب من عملك شهادة عمل موجهه للمملكة المغربية التصديقات : وزارة الخارجيةبمصر لو شغال فى مصر او وزارة خارجية البلد المقيم فيها شهادة الإقامة (إذا كنت تعمل وتقيمفي الخارج بتروح للبحث الجنائي الالكتروني وتطلب منهم شهادة تثبت وجودك فى البلد من تاريخ إلى تاريخ وفيها بياناتك كاملة بيكون مكتوب عليها شهادة إقامة من فوق) وتوثقها من الخارجية اللي فى بلد إقامتك غير مطلوبة في حالة الإقامة بمصر صور فوتوغرافية حديثة
ثانياً: أوراق هتعملها في المغرب (الرباط) لما توصل بالسلامة : حاول تكون قدام السفارة المصرية بالرباط الساعة 9 صباحا وانت على الباب تعرفه انك مصري ماتقفش فى الطابور بيدخلك على طول وهناك متعاونين جدا وتقدم أوراقكللحصول على شهادة الكفاءةوشهادة الجنسية هيقولولك تيجي الساعه 2 ونص بعدالظهر وساعات بيقولك تعالى خمسة العصر على حسب...دلوقتي تطلع على وزارة العدل بالرباط علشان تحصل على شهادة من هناك بخلوكمن الأحكام وتستلمها الساعة 12 ظهرا وبعدين تروح تتغدى والساعة 2 ونص تروح للسفارةالمصرية تستلم شهادة الكفاءة وشهادة الجنسية (الاثنين مع بعض(شهادةالكفائة: المكان : السفارة المصرية في الرباط الأوراق : 1- صورة من شهادةالميلاد ( أعطيهم الصورة لأنك هتحتاج الأصل في المحكمة) 2-صورة من جواز السفر 3-صورة من شهادة حسن السير والسلوك (الفيش والتشبيه) ( أعطيهم الصورة لأنكهتحتاج الأصل في المحكمة( 4-القيد الفردي اللي جبته معاك من مصر 5-صورةمن بطاقة التعريف الوطنية للزوجة تكلفة شهادة الكفاءة : 230 درهممغربي ملاحظة:لابد من حضور الزوجة معك داخل السفارة المصرية....التقديم بيكونالساعة 9 صباحاً والتسليم يكون الساعة 2:30 ظهراً شهادة الجنسية اطلبهامن السفارة المصرية في المغرب مع شهادة الكفاءة بدون أي أوراق تكلفة شهادةالجنسية : 230 درهم مغربي ممكن يساعدك ويعملك الاثنين بسعر واحدة انا عملها معايا لانى ماكنتش لسة غيرت فلوس كفاية شهادة من السجل العدلي المركزي الخاص بالأجانببالرباط هذه الشهادة الغرض منها أنه ليست عليك أحكام في الدولة المكان : وزارة العدل المغربية في الرباط الأوراق : صورة من شهادة الميلادالمصدقة صورة من جواز السفر طابع بقيمة 10 درهم -الاستلام يكون بعد الساعة 12 ظهرا
ثالثاً: أوراق هتعملها في المغرب (بلد الزوجة) طلب الى السيدالقاضي الاسرة المكلف بالزواج يكتب عند أي كاتب عمومي في المغرب ولازم تكتب فيآخر الطلب اسم العدول ( المأذون) دا ممكن المأزون هو اللى يكتبهولك وتدي الشخص اللى طبعهولك عشريناية ولا اى حاجة التكلفة : 20 درهم مغربي شهادة طبيةتثبت خلو الزوج من الأمراض المعدية ( من عند أي طبيب داخل المغرب( تسلم في نفسالوقتوهى انك بتروح للدكتور ويعرف كام سنك ويشوف ضغطك وبطنك ويسألك عانيت من اى أمراض قبل كده وبسسسسس ولا تحليل ولا غيره التكلفة : 100 درهم مغربي شهادة طبية تثبت أن الزوجة غير حامل ( منعند أي طبيب داخل المغرب( تسلم في نفس الوقت التكلفة : 100 درهممغربي صورة من بطاقة التعريف الوطنية وصورة من الصفحة التي فيها دخولكللمغرب (صفحة الفيزا ) وصورة جواز السفر التصديقات : تصديق من أي مقاطعة داخلالمغرب (بيسموها إيجاليزاسيون( مهم موضوع الايجاليزاسيون دا وهو سهل جدا وخلي العروسة هي اللي تعمله لأنهم بيسهلو الحاجات دي للحريم اكتر اعتقد التكلفة : 2 درهم للورقة الواحدة -الاستلاميكون بعد نص ساعة أو ساعة أو يوم على حسب الاوراق المتعلقة بالزوجة : 4- نسخ من شهادة الميلاد (عربي فرنسي ( 4- صور لبطاقة التعريف الوطنية - شهادة السكنةالحاجات دي تعرفها العروسة ماتقلقوش من المسميات دي - شهادة حسن السيرة والسلوك - شهادة الخطوبة تمنح منشيخ الحي وتوثق في المقاطعة 3- صور فوتوغرافية حديثة كل تلك الأوراقبتقدمها للمحكمة في أي بلد أنت فيها بيطلبو منك تروح للشرطة علشان تعمل بحث عنك ( تروح للشرطة انتا وعروستك ) بيسألك عن تاريخ حياتك من الابتدائة لغاية يوم مادخلت المغرب بس باختصار شديد وتديله فى الاخر في ايده 200 درهم علشان ينجز فى الموضوع ومايعطلش الامور قوله ديال الاتاي هههههههه يعني الشاي بتاعك هيطلبو منك شهادة تثبت أنها غير حامل (طبعا تكونمحضر الشهادة( وأخيرا بعد يومين تقريباً بتروح للشرطه وتسأل عن البحث بتاعك وهمبيودوه للمحكمة اللي انتا مقدم فيها الأوراق وفي النهايه بتحصل منالمحكمة على ورقتين (إذن بالزواج ) يعني كل ده علشان الإذن بالزواج --- معلش وبتاخد الورقتين وتطلع مباشرة على المأذون وبتكتب الكتابوألف مبروووووووك وعقبال كل عريس وهناك بتكتب عقد القران فى دفتر عند المأذون بيملاه فيه بيناتكم وتمضو انتو الاتنين وبيسألكم لو فى شروط عايزين تكتبوه على وبعد كدة الف مبروك عليكم
0 التعليقات لموضوع " اجـراءات زواج المصـري مـن مغربيــة "
الابتسامات الابتسامات