قصة حصولي على فيزا زواج أميركا

Lavorare

السبت, فبراير 14, 2015

0 تعليقات

شاركه غرد جوجل+

السلام عليكم ورحمة الله الحمد لله بعد انتظار سنتين حصلت على فيزا زواج امريكا, بعد ان اخد زوجي معه عقد الزواج مترجم وعقد ازدياد مترجم ايضا وصور 5/5قام بطلب فيزا من نوع cr1هدي فيزا للازواج الي متزوجين اقل من سنتين المهم بعد دلك قمنا بملا استمارة I130 الخاصة بي وبزوجي نصيحة حاولو باش ما ديروش اخطاء عند ملا الاستمارات العنوان وكل شئ يكون مضبوط . بعد دلك انتضرنا قليلا وارسلو لنا استمارات تانية هي g325 فيها معلومات عنك وعن زوجتك حتى هي ما ديروش فيها اخطاء المهم حينت حنا درنا اخطاء, غادي نقول ليكم من بعد كيفاش صلحتهم . ومن بعد زوجك خاصو يخلص الفلوس ماشي بزاف ومن بعد يجاوبوك باش تعمر واحد الاستمارة اخرى ومن بعد يضفطو الدوسي ديالك لل NVC في هاد الوقيته غادين يصيفطو ليك باش تختار الوكيل ديالك انا طبعا اختاريت زوجي باش يمضي في بلاصتي في الاستمارة ds261هاد الاستمارة فيها بزاف ديال الوراق وكتعمر اون لاين خاصكم تعمروها بجوج وبالعقل ,كيدرو ليها تأكيد من الكمبيوتر ياعني اون لاين , كيقولو ليكم تسناو شوية ومن بعد كيطلبو منكم باش تخلصو واحد المبلغ ماعقلتش شحال المهم ملي كتخلصو كيقولو ليكم تسناو ومن بعد كيقولو ليكم صافي عمرو الافيدافيت اوف سيبورت هدي هي الضمانه يعني راجلك الا كان كيتخلص مزيان يكون هو الضامن ديالك او الا كان دخل ديالو محدود يشوف شي حد يضمنك وهاد الوراق خصهم يعمرو بدون اخطاء راجلي دار بزاف الاخطاء وكل مره يرجعوها لينا باش نصحوها وملي نرجعوها ليهم يقولك تسناو60يوم هادي هي الي عطلتني انا ,.المهم ملي تقبلت من بعد ستين يومرسلو لي رساله فيها يوم الانترفيو ديالي وحاجه اخرى ما تعتامدوش على البريد الاحسن هو الاميل اسرع وحتى حد ما يعرف اخبارك  بعد توصلت بهاد الرساله بديت كنتوتر اول شئ مشيت عند الطبيب نصيحة سيرو عند الدكتور العمبري راه حسن من الطبيبة خديت رانديفو قبل ومشيت الصباح دخلت عند الممرضة بنت محبوبة وطيبة طلبت مني الباسبور و8تصاور عاديين والورقة ديال الانترفيو .المهم دخلاتني وعبرت ليه الشوف والحرارة والوزن والطول ودارت ليه 3الجلبات وحده فيهم ضراتني بزاف , من بعد رسلاتني ندير التحاليل المختبر قريب بزاف زمن بعد رجعنا رسلتنا نديرو الراديو الصدر المصحة بعيده شوية , جبنا النتيجه مهانا وكانت مزيانه ومن تمه رجعنا للتحاليل كانو حتى هم مزيانين , وجبناهم للطبيب دخلت عند الطبيب رجل طيب وكبير سولني وش كنداوي على شي مرض وش عمرني درت شي عمليه وش حامله صافي وقالي حايدي حوايج الفوقانيين وقلب لي صدري وعنقي وكرشي ودار لي الصناته صافي وقالي خلصي خلصتو وتسنيت الممرضة صاوبات لي الضوسي وقالت لي كلشي مزيان وعطاتني واحد الجوا وقالت لي ما تحليهش  من بعد بديت كنقلب في الانترنيت على الاسئلة الي كتحط في الانترفيو لقيت بزاف الاسئلة وحفضت الاجوبة كلها بالانجليزية والعربية انا قريت في الانترنيت بلي الا كان راجل امريكي خاصك ديري الانترفيو بالانجليزية هاد الشي مامنو والو ممكن تختاري اللغة الي بغيتي من حقك الا سولك باش كتهدري مع راجل قولي شوية الانجليزية وشوية العربية المهم ما تكدبيش ايوه انا مشيت امبريميت كلشي المكالمات الي بيني وبين راجلي في السكايب من الوقت الي تعرفنا وكانو بزاف ديال الوراق وكنت كنخبي الوراق باش كان كيصيفط لي الفلوس حتى هم درتهم في واحد الجوا والتصاور ديال العرس والتصاور ديالنا مع بعضنا ,المهم وجدت مزيان الحمد لله ولكن ملي جيت نراجع هادوك الاستمارات الي كنت عمرت قبل انا وراجلي لقيت بلي درنا بزاف ديال الاخطاء وانا نبدا نعيش حاله  ديال التوتر ما يعلم بيها الا الله خفت بزاف خصوصا ملي قريت انا شي وحدين رفضو ليهم بسبب الاخطاء وهاد الشي كدوب .بواف الناس كيدخلو الانترنيت وكيتبو شي حوايج كدوب باش يخلعو الناس  المهم قررت اني غادي نقول ليهم هاد الاخطاء قبل ما نبدا الانترفيو باش ما يقولوش راني كنكدب يوم الانترفيو جا كنت قدام القنصلية مع 7ديال الصباح بعد نصف ساعه جاو الموضفين وبداو كيعزلو الهجرة بوحدهم والتوريست بوحدهم وماخصك دي معاك والو لا ريحه لا كريم لا حتى حاجه الا الاوراق المهم دخلونا بعد تفتيش كثير ,هاد التفتيش ما تخليوهش يوتركم اعتابروه عادي , ملي دخلت اختاريت كرسي القدام باش ملي يعيطو ليه نوض بالزربة وعيطت لشي بنات كانو معايا برا كلسو حديا بقينا كنهضرو وكنضحكو وماحسيناش بالوقت حينت كيتعطلو بزاف باش يعيطو ليك الا كنت كالس بوحدك بلاما يكون معاك شي حد غادي تبان فيك الخوف والتوتر والانتضار المهم حاول باش تكلس حدا شي حد الي يونسك ,من بعد عيطو لينا في واحد الكيشي فيه مغربية سميتها سميره ضريفه بزاف عطاتني واحد الوراق وقالت لي هادو راجل كان كيصيفطهم ودابا ما بقى عندنا ما نديرو بيهم وقالت ليه باش كتهدري مع راجل قلت ليها بالانجليزية وهي تقولي تبغي ديري الانترفيو بالانجليزية قلت ليها وخا ماشي مشكلوطلبت مني الدوسي ديال الطبيب والتصاور صافي وقالت لي كلسي حتى نعيطو ليك .رجعت كلست حدى صحاباتي ومن بعد شي ساعه عيطو ليه في الكيشي 7هو مكتب ديال القنصل دخلت قالي هزي ايدك وحلفي بلي هاد الاوراق صحاح وبلي غادي تقولي الصح حلفت سولني كيف هي الانجليزية ديالك قلت له ماشي مزيانه وماشي خايبة المهم كنهدر وشي مرات ما كنفهمش الا زربتي في الهدرة قالي اوك وهو يعيط لواحد المغربي سمر ضريف بزاف قالي الا مفهمتيش شي حاجه ممكن يترجم ليك قلت اوك المهم هو راه ما كيهدرش العربية  سولني شككون هو ..... الاسم ديال راجلي قبل الاسلام قلت ليه راجلي وسولني كيفاش تعرفت عليه وامتى وسولني اشنو سميت راجلي قلت له وهو يقولي علاش بدل سميتو قلت له علاش وقالي امتى دخل الاسلام وسولني امتى تزوجنا وعلاش ما جاش تزوج بيه ملي ياله تعرفنا وسولني علاش اختاريت الانترنيت باش نلاقي زوج قلت له انا ما بغيتش نتزوج زواج تقليدي حينت كانت عندي تجربة زواج فاشله لاني ما خديتش الوقت الكافي باش نعرف زوجي السابق وقالي علاش طلقتي من راجل الاول قلت له علاش وقالي علاش راجل طلق مرته قلت له علاش وقالي شحال راجل كلس معاك في المغرب قلت له شحال وقالي علاش ما جاش هادالمده كلها قلت له راه كان متبع الملف ديالي وخفنا الا جا يحتاجو شي ورقة وماكينش الي غادي يرسلها ليهم وقلت له حينت راجلي كيتسنى ناخد الفيزا باش يجي يديني حينت منقدرش نسافر بوحدي وهو يقولي شكون هي ......ز سميت عدوزني حينت هي الي ضامنتني حينت راجلي الدخل ديالو قليل قلت له عدوزتي قالي ما عندكش مشكيل تكون هي الكفيله ديالك قلت له لا قالي علاش قلت له حينت عندنا علاقة زوينه بزاف مع بعضنا ووهي كتبغيني وانا كنبغيها وقالي واش عمرها جات عندك كلت له لا ولكن كنهدرو في التليفون واللانترنيت يوميا ثافي قالي عطيني تصاور نشوفهم عطيتو الابوم شافو بالزربة وقالي خاصك صورة من الباسبور ديال الضامنه ديالي عني ام زوجي جيبيه وعطاني باسبور ديالي واحد الورقة فيها الحقوق ديالي في امريكا .المهم جيت وانا خايفة ليكون هدا رفض رسل لي زوجي هديك الورقة في الاميل امبريميتها وديتها ليهم وخداو من عندي الباسبور وقالي لي سيري حتى نعيطو ليك من بعد يومين عيطو ليه وقالو لي جي يوم الثلاثاء خدي الفيزا ديالك , هدي قصتي نتمنى نكون فدتكم والي عندو اي سؤال يسولني راني رهن الاشارة . الموضوع المقبل غادي نجيب لكم كل الائلة المحتملة في الانترفيو  نصيحة الله يخليكم ما تخافوش راه داك شي ساهل اه تفكرت قلت ليهم على الاخطاء الي درت في الاستمارات قالو لي ما كيان لا اخطاء لا والو يعني صلحوهم في امريكا ملي كان الدوسي في ميريكان . بزاف الناس كيديرو فيك الخلعه راه الامر بسيط متكدبش وماتخافش والانسان دائما يتوكل على الله . الله يسهل لجميع الناس كل واحد اشنو كيتمنى